أيوة الديفيس فضيحة ياعالم-كرامتك من كرامة سرفرك!

حاجة بقت بضان أوي الأيام دي إن أي حد موقعه يتدفس ولا سرفره يتدفس تلاقيه يقولك : اطفال اخترقوني. اطفال بعبصوني. اطفال معرفش ايه!!

ولما هما أطفال ياترى فشخوك ليه؟

تعالو نحسبها.

-1 دلوقتي محدش مبيخترقش ومحدش متأمن 100% وأنا أولكم! خلاص?

2- الإختراق في حد ذاته فضيحة في حالة من ال2

ا- لو حضرتك صاحب منظومة المفروض إنها بتهتم بالآمن أكتر من اي حاجة زي مثلا أستالافيستا. وزي أباتشي اللي اخترق من فترة قريبة ويمكن دا سبب كتابتي للموضوع.

ليه فضيحة؟ لإن لما تبقى المنظمات أو الهيئات المهتمة بالآمن أكتر من أي حاجة بخترق تبقى دي فضيحة بالنسبالهم. و الدليل على كدا إن كاسبر سكاي لما أخترقت سرفراتها قلت مبيعاتها بنسبة كبيرة جدا تكاد تتعدى 25% !

لكن دا طبعا عند المستخدم الأجنبي اللي لسة عنده شوية دم.

أما المستخدم العربي بتاع اليومين دول بقى مستخدم يضحك والله و حاله صعب ع الكافر.

فاكرين زمان لما كان موقع آمن بيتدفس كان أيه بيحصل؟

طيب هقولهالكم بالصريح كدا : كان يا إما بيقفل. يا إما الأعضاء المحترمين بتوعه بيمشوا منه...

مش هنضرب أمثلة بحد لكن دا اللي كان بيحصل.

3- لما المستخدم الحالي بتاع اليومين دول يبعتبر إن اختراق سرفرات أباتشي أو أستالافيستا شيء عادي ومهواش فضيحة ولا مشكلة كبيرة فدا ليه غالبا سببين:

ا- الناس اللي طالعة جديد دي أتربت بشكل غلط والسبب في كدا هما بــعــض البهايم الكبار كانو بيتدفسوا كتير و اللي كل ما كانو بيتدفسوا كانو يطلعوا يقولو الجملة الشهيرة : أطفال ومش أطفال! وبالتالي اللي طالع جديد او خلينا نقول اللي مش متابع الآمن و الهاكينج و العالم الخفي بقى عنده قناعة إن تدفيس موقع أو اختراق سرفر حتى بدون تدفيسه شيء عادي ومش مشكلة ولا خطر ولاحاجة.

ب- للأسف الملاحظ ان الناس مبقاش عندها وعي خالص بأي حاجة أو بأي مفاهيم تخص الأمن.

فاكرين زمان لما سيكيورتي جورز فتح قسم مخصوص عشان يعرف الناس المفاهيم بتاعت الهاكينج أو اي مصطلح تكنولوجي عموماً؟

دا لإن فعلا المفاهيم و توعية الناس بالحاجة شيء مهم لدرجة إنه كان بيتعمله أقسام مخصوصة. و طبعا دا موجود في مواقع اجنبية عالمية كتيرة.

وبالتالي إن إختفاء مواقع الآمن النضيفة فعلا أثر وبشكل ملاحظ وكبير على عقلية الناس وتفكيرهم في المجال دا.

4- الناس (الجداد برضو ) بقو فاهمين إن الهاكرز دول ماهم إلا ديفيسرز وبس وإن الديفيسرز تافهين. والحقيقة طبعا إن الديفيسرز المحترفين هم هاكرز بالضرورة. و كل واحد وشخصيته و أفكاره . في واحد بيكتفي برسالة جوا السرفر. وفي واحد بيكتفي بالسرفر وبيستغله. وفي واحد تالت غيرهم بيحط ديفيس...وهكذا. ومش معنى كدا إني بحترم الديفيسرز ولكن أنا بتكلم على شريحة معينة.

5- لو تلاحظو هتلاقو إن الإختراقات بقت تزيد أخر سنتين بشكل كبير جداً لإن مبقاش حد أصلا بيهتم بمجال الآمن و فعلا أول مرة إحس إن المواقع بتاعت زمان كان ليها فايدة بشكل مباشر على الإنترنت العربي كله فعلا!!

6- تخيل لو قريت خبر في الجرنال إن قسم الشرطة اللي بيحميك أتسرق من جواه حاجات كتيرة و ناس أحتلت القسم شوية ومشيت. و الضباط اللي جوا أخدوا على قفاهم .......هتقول برضو دي حاجة تافهة ومش تافهة و دول أطفال ومعرفش أيه!!

كفاية كدا... ويارب تكون الرسالة وصلت للبهايم اللي بتعتبر إن اختراق الهيئات الكبيرة او اي حد متخصص في آمن المعلومات مهياش حاجة عادية ولكنها فعلا فضيــــحــــــــة.

أخيراً....

IGNORANCE IS HELL!